Sot (23.10.2023) zyrtarët policorë nga SVR Shkup, Njësiti për trafik ilegal të drogave dhe armëve në një aksion të përbashkët të koordinuar me Departamentin e Policisë Kriminale, Sektori për trafik ilegal të drogës, armëve dhe substancave të rrezikshme, pas hetimeve, masave dhe veprimeve të kryera paraprakisht kanë marr urdhër për bastisje nga Gjykata Themelore Penale Shkup, ku kanë kryer bastisje në 4 lokacione në zonën e qytetit të Shkupit, me ç’rast janë ndaluar katër persona, ku kanë gjetur si dhe një laborator ilegal për prodhimin e marijuanës, llojeve të ndryshme u gjet drogë dhe një armë.
Autoritetet kryen kontrolle në katër lokacione në Shkup, duke zbuluar një rrjet të gjerë aktivitetesh të paligjshme. Gjetjet kryesore përfshinin si vijon:
Gjatë kontrollit në banesën dhe ambientet përkatëse të B.A. (42), u gjet një laborator ilegal i kultivimit dhe prodhimit të marijuanës. Ky operacion solli 291 bimë kanabis sativa në 289 vazo. Forcat e rendit konfiskuan gjithashtu një sërë pajisjesh për kultivimin dhe prodhimin e marijuanës, si llambat e ngrohjes, filtrat e pastrimit të ajrit, sistemet e ujitjes, plehra artificiale, sistemet e furnizimit me energji elektrike dhe mjete të ndryshme. Të gjitha sendet e konfiskuara janë sekuestruar dhe B.A. është marrë në komisariat. SPB Shkup do ta dokumentojë rastin dhe do të bëhet kallëzim penal sipas nenit 215 të Kodit Penal.
Në lidhje me zbulimin e mëparshëm të mbi dy kilogramë amfetaminë, tableta ekstazi dhe kokainë më 10 tetor 2023, oficerët e policisë zgjeruan hetimin. Sot në banesën e shtetasit D.T.(33) është bërë bastisje, duke u gjetur një armë zjarri tek D.T është ndaluar dhe me kallëzim penal do t’i dorëzohet Prokurorisë Publike Shkup.
Një kontroll i veçantë u krye në shtëpinë e D.R. (31), lidhur me një rast të datës 11 shtator 2023, me një çantë shpine me marijuanë dhe një peshore digjitale në lagjen Draçevë. Nga kontrolli u zbulua marihuanë, një peshore dixhitale dhe materiale boshe paketimi droge. Njësiti për trafik ilegal me drogë në SPB Shkup do ta dokumentojë rastin dhe do të parashtrohet kallëzim penal sipas nenit 215 të Kodit Penal.
Së fundmi, gjatë kontrollit të autorizuar nga gjykata në banesën dhe ambientet ndihmëse të A.M. (27) dhe B.M. (30), efektivët e policisë zbuluan një sasi të konsiderueshme heroine u arrestua dhe pas dokumentimit të çështjes do të bëhet kallëzim penal sipas nenit 215 të Kodit Penal.
Këto operacione të rëndësishme paraqesin një goditje të rëndë për trafikun e paligjshëm të drogës dhe armëve në zonën e Shkupit. SPB Shkup dhe Departamenti i Policisë Kriminale janë të përkushtuara për ruajtjen e sigurisë në rajon, duke ndjekur aktivisht personat e përfshirë në aktivitete të paligjshme. Të dyshuarit do të përballen me drejtësinë me zhvillimin e procesit ligjor.
