Komuna “Gjorçe Petrov” ka reaguar pas konferencës së sotme të kryetares së Shkupit, nga ku thonë se e kuptojmë etjen për kalkulime dhe sherre politike të Danella Arsovska.
“Komuna e Gjorçe Petrovit asnjëherë nuk ka depozituar mbeturina në mënyrë ilegale në lokacionin e treguar dhe as nuk ka krijuar deponi ilegale.
Përkundrazi, komuna i pastron mbeturinat e tilla” thonë nga “Gjorçe Petrov”.
Nga atje shtojnë se kryetarja Arsovska mund të kontrollojë në stacionin e higjienës komunale në Karposh, ku do të shohë qartë se shërbimet komunale i depozitojnë mbeturinat e mëdha atje.
Kryetarja e Qytetit të Shkupit, Danella Arsovska më herët njoftoi se së bashku me inspektoratin kanë parandaluar, siç e quan ajo “ekocid” në komunën e Gjorçe Petrovit.
