Ministri i Arsimit dhe Shkencës Pishtar Lutfiu priti sot në takim kryetaren e këshillit inicues për ndërtimin e shkollës fillore në lagjen Vizbeg të Shkupit, Halide Palloshi.
Në këtë takim ministri Lutfiu dhe Palloshi biseduan rreth iniciativës së prindërve nga kjo lagje për ndërtimin e objektit të shkollës fillore, me ç’rast ministri Lutfiu e njoftoi se MASH ka përgatitur projektin për ndërtimin e shkollës dhe punimet do të fillojnë në vitin 2017.
Për këtë qëllim, tha ministri Lutfiu, janë siguruar edhe mjetet nga buxheti i Ministrisë së Arsimit dhe Shkencës.
Gjatë këtij takimi, ministri Lutfiu kryetares së këshillit iniciues ia prezantoi projektin për ndërtimin e shkollës së re duke theksuar se kjo shkollë është edhe në programin e ministrisë për vitin 2017.