Kryetari i LR-PDSH-së, Ziadin Sela i shoqëruar nga nënkryetari, Agon Ferati sot janë takuar me ambasadorin e SHBA-së në Maqedoni, Jess Baily.
Në takim është diskutuar për situatën paszgjedhore, për nevojën e vendosjes së drejtësisë në vend, funksionimin e shtetit ligjor dhe rikthimin e stabilitetit politik përmes një qeverisje demokratike dhe përfaqësuese për shqiptarët.
Sela ka njoftuar ambasadorin e SHBA-së, Jess Baily se opsioni që përfaqëson ai, është i interesuar për krijimin e një “Strategjie dhe Platforme të përbashkët” të shqiptarëve me të gjithë partitë shqiptare që kanë mandate në Kuvend, ku si qëllim parësor do të jetë realizimi i interesave shqiptare, zhbllokimi i procesit euro-integrues dhe ndërtimi i një shoqërie mbi baza demokratike.
