39 ish-deputetë të përbërjes së mëhershme të kuvendit kanë kërkuar përfitime financiare që duhet t’ua miratojë Komisioni i ri parlamentar për zgjedhje dhe emërime.
Nga gjithsej 123 deputetë të përbërjes së kaluar, 58 janë rizgjedhur për deputetë, kurse 24 prej tyre janë kthyer në punët e tyre të mëparshme.
Sipas Ligjit për paga dhe kompenzime tjera, ata që kanë qenë deri 6 muaj deputetë, duhet të marrin kompenzim financiar për 3 muaj, ndërkaq për 12 muaj duhet të marrin 6 muaj kompenzim, kurse ata që kanë qenë 24 muaj, duhet të marrin 9 muaj kompenzim.
Deputetët që kanë qenë mbi dy vite në këtë pozitë, duhet të marrin edhe një vit rrogë deputeti.
