Të hënën, ora 12 e 45, 29 vjeçari D.P. ka përjetuar tmerr të vërtetë në rrugën “Aminta Treti” në qendër të Shkupit. Ai e ka informuar policinë se pak para orës 13, një person i panjohur ka dalë nga vetura “Audi 6” dhe ka filluar ta ofendojë dhe t’i kërcënohet.
Më pas është afruar edhe një person tjetër i cili poashtu ka filluar t’i këcënohet. Pas disa minutave në rrugën e njëjtë është parkuar një veturë “Mercedes” prej ku kanë dalur tre persona të panjohur të cilët e kanë sulmuar edhe fizikisht, duke e goditur me grushta dhe shqelma. Ata kanë tentuar ta fusin në bagazhin e veturës, mirëpo në atë moment njëri prej autorëve ia ka marrë celularin, kurse D.P. ka arritur të ikë.
Policia është duke ndërmarrë masa për ndriçim të plotë të rastit.
