Zaev: LSDM është favorite për zgjedhjet lokale

Maqedonia

Zaev: LSDM është favorite për zgjedhjet lokale

Më: 23 gusht 2017 Në ora: 08:43
Kryetari i LSDM-së, Zoran Zaev

Kryetari i LSDM-së, Zoran Zaev, në seancën e Komitetit Qendror të LSDM-së njoftoi për fitore të partisë së tij në zgjedhjet lokale.

Anëtarët e kësaj partie në seancën e mbrëmshme diskutuan për situatën aktuale politike në Maqedoni, për procesin e zbatimit të reformave dhe sollën disa vendime për zgjedhjet lokale.

Zoran Zaevi gjatë fjalimit të tij tha se LSDM-ja është e gatshme për fitore të bindshme në zgjedhjet e ardhshme lokale.

“LSDM është favorit për zgjedhjet lokale. Qytetarët i njohin politikat e saj, vlerat e saj, të cilat sjellin standart më të lartë të jetesës, më shumë para për qytetarët, institucione të pavarura dhe profesionale. Me fitoren e LSDM-së në zgjedhjet lokale, procesi i filluar do të vazhdojë edhe në nivel lokal”, tha Zaevi.

Komiteti Qendror vlerësoi se puna e deritanishme e Qeverisë së Maqedonisë ka dhënë rezultate. Problemet e pushtetit të kaluar po zgjidhen dhe shteti po arrin suksese në skenën ndërkombëtare.

Sot mund të lexoni Shfletoni kopertinat