Ahmeti kërkon ndihmën e Zaevit për të fituar në komunat shqiptare

Maqedonia

Ahmeti kërkon ndihmën e Zaevit për të fituar në komunat shqiptare

Më: 29 gusht 2017 Në ora: 19:36
Ali Ahmeti dhe Zoran Zaev

Tetova, një nga qytetet më shumicë shqiptare në Maqedoni, në zgjedhjet lokale të 15 tetorit mund të mos fitohet nga një parti shqiptare.

Planet e liderit të BDI-së, Ali Ahmeti që të hy në koalicion me partinë maqedonase LSDM-në e Zoran Zaev për të konkurruar në zgjedhjet lokale mund të sjellin një kryetar që nuk është nga një parti shqiptare por në koalicion mes BDI-së dhe LSDM0-së.

Mediat në maqedoni raportojnë se koalicioni qeveritar mes LSDM-së, BDI-së dhe Aleanca për Shqiptarët do të jetë edhe një koalicion në zgjedhjet lokale.

Aleanca për Shqiptarët është krijuar pasi Ziadin Sela doli nga PDSH-ja e Menduh Thaçit duke krijuar Lëvizjen për Reforma u bë  bashkë me RDK-në në krye me Vesel Mehmedin dhe UNITETIN e Gëzim Ostrenit.

Kësisoj shqiptarët në Maqedoni në këto zgjedhje do të kenë si kandidat për kryetar të komunave të tyre njerëz të kandiduar nga një koalicion i këtyre tri partive.

Sot mund të lexoni Shfletoni kopertinat