Kryeministri i Maqedonisë, Zoran Zaev, sot pasdite do të udhëtojë për vizitë pune në Bosnjë dhe Hercegovinë.
Serinë e takimeve delegacioni i Maqedonisë do ta fillojë me takimin me delegacionin e Këshillit të Ministrave të Bosnjës.
Pas takimit do të pasojë deklaratë e përbashkët e kryeministrit Zaev me kryesuesin e Këshillit të Ministrave të Bosnjës, Denis Zvizdiq.
Në pjesën e dytë të agjendës së sotme është paraparë pjesëmarrja e Zaevit në sesionin “Drejt përtëritjes së të majtës në Evropën Juglindore”.
