Xhaferi: Pres që të enjten të votohet ligji i gjuhëve

Maqedonia

Xhaferi: Pres që të enjten të votohet ligji i gjuhëve

Më: 10 janar 2018 Në ora: 09:34
Talat Xhaferi

Kryetari i Kuvendit të Maqedonisë, Talat Xhaferi, pret që të enjten të ketë kuorum dhe të votohet ligji për gjuhët.

Në një emision në TV24, Xhaferi tha se pas votimit të ligjit për gjuhët do të udhëheqë seanca plenare, siç parasheh ligji.

“Do të flas edhe shqip edhe maqedonisht, varësisht se kujt do t’i drejtohem. Në bazë kjo do të thotë se pasi të sillet ligji për gjuhët, seancat mund t’i udhëheq edhe në gjuhën shqipe, por varësisht kujt do t’i drejtohem do të flas edhe maqedonisht”, tha Xhaferi.

Në lidhje me harxhimet e rrugës dhe keqpërdorimet e bëra nga ana e disa deputetëve, Xhaferi tha se Kuvendi nuk ka kompetenca hetuese dhe nuk ka të drejtë të hetojë.

Sot mund të lexoni Shfletoni kopertinat