“Ekziston klimë politike për legalizimin e emrave të rinj të shkollave në Dibër. Si në nivel qendror, po ashtu edhe lokal, pritet që shumë shpejt të mundësohet legalizimi i emrave të rinj të shkollave të mesme në Dibër”.
Kështu deklaroi për Makfaks, drejtori i gjimnazit në Dibër, Ramadan Imeri.
“Ndryshimet e emrave të gjimnazit nga “Zdravko Çoçkovski” në “28 Nëntori” është kryer në pajtim me rregullat ligjore dhe janë respektuar vendimet e duhura si në Këshillin e Shkollës, po ashtu edhe në Këshillin e Komunës së Dibrës”, tha Imeri.
Ai shtoi se në pajtim me gjitha procedurat janë ndryshuar edhe emri i shkollës “Bratsvo Edinstvo” në “Penestija”.
“Besojmë se problemi me emrat e shkollave në Dibër, por edhe në qytetet tjera të Maqedonisë do të tejkalohet”, tha Imeri.
