Ministria e Punës dhe Politikës Sociale i kujton kopshtet e fëmijëve që të mos keqpërdoren fëmijët për organizime të ndryshme politike dhe fetare, pasi është vepër e cila dënohet me ligj.
“Ministria njofton të gjitha institucionet publike për përkujdesjen e fëmijëve, nëse fëmijët përfshihen në organizime politike dhe fetare, sipas nenit 228, i njëjti institucion do të gjobitet”, thonë nga MPPS.
Nga Ministria shtojnë se gjobat për keqpërdorimin e fëmijëve arrijnë deri në 1 mijë euro dhe i ftojnë institucionet të kenë kujdes.