Ministri i Drejtësisë Bilen Saliji, realizoi takim me kryetarin e Sindikatës së të punësuarve në administratë, organet e jurisprudencës dhe organizatave joqeveritare të Republikës së Maqedonisë Pece Grujovskin.
Në takim, Grujovski, falënderoi ministrin për takimin e mundësuar dhe theksoi se është e nevojshme që bashkërisht të organizojnë takim pune në lidhje me realizimin e konkluzioneve që dolën nga takimi paraprak në qeveri.
“Ministri i drejtësisë Saliji gjatë takimit siguroi Grujovskin se Ministria e Drejtësisë është e hapur për bashkëpunim me Sindikatën për përmirësimin e kushteve të të punësuarve që janë nën kompetencë të Ministrisë së drejtësisë. Ministri poashtu njoftoi kryetarin e sindikatës se të gjitha sektorët e jurisprudencës në Republikën e Maqedonisë janë të përfshira në strategjinë për reforma. Gjatë takimit të dy palët u dakorduan për takime të herë pas hershme si dhe formimin e grupeve të punës në drejtim të përmirësimit të kushteve për të gjithë të punësuarit në sektorin e jurisprudencës”, thuhet në kumtesën e Ministrisë së Drejtësisë
