Deputetët e Kuvendit të Maqedonisë, Ferid Muhiq, Ziadin Sela dhe Afrim Gashi kanë kërkuar nga shërbimet e Kuvendit që të publikojnë inçizimet e bëra gjatë votimit të Ligjit për gjuhët.
Kjo e gjitha vjen pas lajmeve të ndryshme nëpër media për votën e deputetëve të Kuvendit. Nëpër këto lajme thuhej se Sela, Gashi, Muhiq dhe deputetë tjerë të shumicës parlamentare nuk kanë votuar.
Dyshimeve të opinionit për numërim të votave, ju është përgjigjur kryeparlamentari Talat Xhaferi i cili ka thënë se ndoshta ka kaluar koha për votim dhe nuk i ka numëruar këto vota dhe se tek sistemi për numrim nuk ka mundur që të ndikojë askush.
