“Lirimi i të akuzuarëve të rastit “Sopot” ishte njëra nga pikat e platformës së shkruar në Tiranë me 7 janar të vitit të kaluar”, thonë nga opozita maqedonase OBRM-PDUKM.
“Një vitë më vonë PSP i liroi të akuzuarit me arsyetimet se nuk ka fakte. Kush i kishte vendosur minat në rrugën Sushevo-Sopot, ku po kalonte automjeti i NATO-s me 4 mars të vitit 2003, përgjigje nuk ka. Kush e porositi dhe vendosi eksplozivin në vendin e quajtur Bozhja Dupka, në të cilin shpërthim humbën jetën anëtarët e policisë polake, Pavel Leginski dhe Fjodor Nikulovski dhe civilët Kurnislav Kiprijanovski, përgjigje nuk ka. Kush janë njerëzit e parë të MPB-së, BSP-së, DSK-së përgjegjës për hetimin dhe ato a e kanë pasur informacion që dolën sot? A do të ketë përgjegjësi përderi sa PSP beson se qeveria e kaluar e kishte montuar hetimin? A do të ketë përgjegjës për gjyqtarët që atëher e kishin udhëhequr me lëndën, sepse sipas Katica Janjevas ishte gjykuar pa fakte”, thuhet në njoftimin e OBRM-PDUKM-së.
Opozita mendon se platforma është realizuar, ndërsa skandalet janë fshehur dhe montuar me akuzime ku artistë, regjiser, aktor, deputetë pa asnjë dëshmi janë akuzuar për vepra teroriste. Sipas tyre nuk ekziston asnjë kusht politik për të akuzuarit e 27 prillit që të qëndrojnë në burgë.
“Sot Gjykata e Lartë e Republikës së Maqedonisë do të vendos për padrejtësinë e të akuzuarëve patriot. Nuk ka asnjë dëshmi se pse këtyre njerëzve i’u është vazhduar paraburgimi” thonë nga OBRM-PDUKM.
Në njoftim thuhet se gjyqi duhet të udhëhiqet sipas ligjeve kushtetuese dhe jo të plotësohen dëshirat të urdhëruar nga qendra të ndryshme.
