Dikush do të shkojë nga postet ministrore dhe dikush tjetër do të vijë në vendin e tyre, këtë së shpejti do ta shpallë kryeministri Zoran Zaev.
Por kjo, sipas tij, nuk është luftë për pushtet, por një përgjegjësi për vendime të rendësishme.
“Shumë nga deputetët që kanë votuar me shumicën në përgjithësi kanë mbështetur konceptin e një shoqërie për të gjithë, zgjidhjen e çështjes së emrit, reformimin e vendit etj., Duhet t’u jepet mundësia të vazhdojnë të jenë partnerë në politikat e tilla historike në Maqedoni”, thotë Zaev .
Këtë javë, kryeministri Zoran Zaev do të njoftojë për ndryshimet e mundshme në përbërjen e qeverisë. Për partnerët e rinj të koalicionit do të ketë poste ministrore, zëvendësministrore, pozita të sekretarëve shtetëro dhe drejtorë.
Sipas njoftimeve të më hershme të kryeministrit, zgjerimi i koalicionit bëhet vetëm për të marrë vendime të mëdha që janë më se të nevojshme për shtetin.
Fundjavën e kaluar kanë përfunduar konsultimet e fundit mbi të cilat partitë do të hyjnë në qeveri. Gjithashtu do të ketë vende ministrore për partnerët e rinj të koalicionit.
Partneri qeveritar i Zoran Zaevit, Ali Ahmeti, duke komentuar kohët e fundit mbi riorganizimin e qeverisë, ka thënë se BDI është një parti serioze dhe nuk është vetëm spektator, por një aktor në vendimmarrjen në politikë.
“Unë nuk jam një stërshitës në Bit Pazar që të jap apo të marr vende ministrore. Negociatat po zhvillohen midis partive politike, thashë se unë nuk punoj në tezgë”, ka thënë Ahmeti.
Rikonstruimi pranveror i qeverisë është paralajmëruar qysh në muajin shkut nga ana e kryeministrit Zaev.
