Shtatë policë të lënduar dhe 25 persona të arrestuar në protestat e mbrëmshme në Shkup

Maqedonia

Shtatë policë të lënduar dhe 25 persona të arrestuar në protestat e mbrëmshme në Shkup

Më: 18 qershor 2018 Në ora: 08:22
Pamje nga protesta

25 persona janë arrestuar për shkak të përdorimit të dhunës në protestat e mbrëmshme para Kuvendit të Maqedonisë, të cilat eskaluan kur protestuesit tentuan të futen në hapësirat e Kuvendit.

Jozyrtarisht mësohet se janë lënduar shtatë policë dhe dy civilë. Nga MPB thonë se policia ka përdorur gazlotsjellës për të shpërndarë turmën e protestuesve.

Protestat mbrëmë u mbajtën në shenjë revolte ndaj nënshkrimit të marrëveshjes Maqedoni-Greqi për zgjidhjen e çështjes së emrit.

Protestuesit u organizuan përmes rrjeteve sociale, ndërsa morën pjesë edhe grupi i tifozëve “Komitët”.

Protestat i ka përkrahur edhe kryetari i partisë “Maqedonia e Vetme”, Janko Baçev.

commentFirst article
Sot mund të lexoni Shfletoni kopertinat