Analisti politik Daniel Server vlerëson se marrëveshja që Shkupi firmosi me Athinën nuk është një hap para vetëm për të dyja vendet por për të gjithë Ballkanin.
Server gjithashtu ka thënë se nëse marrëveshja ratifikohet nga të dyja parlamentet dhe e njëjta merr dritë jeshile edhe në referendumin që pritet të mbahet këtë vjeshtë në Maqedoni, kjo do të përmirësoj stabilitetin dhe do të bëjë rajonin më të kapshëm për investitorët e huaj.
Sipas Server në Ballkan kanë mbetur edhe dy çështje të hapura që kanë të bëjnë me luftën dhe paqen në rajon, ato janë: normalizimi i marrëdhënieve mes Beogradit dhe Prishtinës dhe përpjekjet që të krijohet një shtet funksional në Bosnjë.
