Zbatimi në kohë dhe me sukses i procesit të Skriningut është shansi i fundit për një Maqedoni Europiane.
Ekspetë të kësaj fushe nuk e anashkalojnë mundësinë që gjatë procesit të scriningut administrata mund të hasë në vështirësi gjatë vlerësimit të reformave, andaj Qeveria duhet të gjejë alternativa që faza e skriningut të del e sukseshme e më pas edhe fillimi i bisedimeve për anëtarësim në BE.
Vizita e komisarit Hahn, shënoi fillimin e fazes së pare të procesit të verifikimit të përmbushjes së reformave nga ana e institucioneve të vendit.
Faza përgatitore për fillim të negociatave qasëse me BE-në,gjatë gjithë procesit do të udhëhiqet nga zëvendëskryeministri për Çëshjte Evropiane, Bujar Osmani, të cilin qeveria e emëroi për negociator kryesor politik.
Sekretariati së bashku me zyrën e kryeminsitrit dhe MPJ-në, ka kohë deri në fund të muajit korrik të përgatisë informacione për konceptin sa I përket strukturës negociuese dhe veprimeve adekuate dhe të njejtat t’ia dorëzojë Qeverisë për miratim.
Kjo do të thotë se Maqedonia ka kohe prej 1 viti, deri në korrikun e vitit të ardhëshëm, për ti realizuar të gjitha obligimet,të cilat do të kontribuonin në arritjen e qëllimeve euro-integruese. Më pas vendi duhet të fillojë fazën e dytë. Kjo nënkupton procesin e shqyrtimit dhe analizës së ligjeve evropiane, në kuadër të negociatave qasëse.
Procedurat ligjore europiane mijëra faqesh përfshin dhjetëra institucione të BE-së dhe qindra institucione në vend, me rreth 1000 deri 2000 ekspertë nacional.
Të gjitha fazat e këtij procesi është e paraparë që të zgjasin prej një deri në një vit e gjysëm. Sferat për scrining janë të ndara në 35 kapituj, por për 33 prej tyre ka legjislacion konkret evropian. Sipas përvojave të deritanishme, më të ndishme vlerësohet të jenë kapitujt 23 dhe 24, të cilat kanë të bëjnë me gjyqësorin dhe sundimin e së drejtës. Për këtë arsye, Komisioni Evropian sipas praktikës së re, fillimisht hap këto dy kapituj.
Procesi i verifikimit të përmbushjes së reformave nga ana e institucioneve të shtetit pritet të mbarojnë para fillimit të bisedimeve për anëtarësim në BE, në qershor të vitit të ardhshëm.
Gjatë këtij viti, Bashkimi Evropian dhe Maqedonia do të vlerësojnë zbatimin e ligjeve Evropiane në Maqedoni. Raporti i Skriningut gjithashtu do të jetë bazë për nisjen e bisedimeve për anëtarësim.