Stoilkovski: Zaevi ndërton identitet të ri në Maqedoni

Maqedonia

Stoilkovski: Zaevi ndërton identitet të ri në Maqedoni

Më: 9 shtator 2018 Në ora: 18:36
Naum Stoikovski

Në një konferencë për shtyp, zëdhënësi i partisë opozitare maqedonase OBRM-PDUKM, Naum Stoikovski thotë se “qytetarët ia kthyen shpinën Zoran Zaevit. Qartësisht i thanë se nuk dëshirojnë që kjo të mos jetë festa e fundit ku me krenari do ta thonë emrin Republika e Maqedonisë. Ata i bënë me dije se dëshirojnë që emri Maqedoni t’ua lënë gjeneratave të ardhshme. Për këtë shkak nuk i erdhën në festën para Qeverisë”.

Sipsa Stoilkovski Zoran Zaevi nuk është i dinjitetshëm të organizojë festë për 8 shtatori përderisa i shet përfitimet e kësaj dite, përcjell Telegrafi Maqedoni.

“Njëlloj si festat për marrëveshjen, populli ia kthye shpinën Zaevi dhe nuk i beson gënjeshtrave të tij. Me marrëveshjen me Greqinë fshihet identiteti maqedonas. Me marrëveshjen Greqia në plan ndërkombëtar dëshiron që Maqedonia vet të ri-definojë maqedonasit”, thotë Naum Sotilkovski.

Ai shton se në pjesën e parë të tekstit nën “D” thuhet se termi Maqedoni dhe maqedonas e kanë domethënien e dhënë në nenin 7 të kësaj marrëveshje. Sipas zëdhënësit të OBRM-PDUKM-së kjo është diktat i një shteti tjetër

“Marrëveshja bën dallime midis maqedonasve. Më e rëndësishme, maqedonasit nga të dyja anët e kufirit bëhen dy popuj krejtësisht të ndryshëm, ata matej kufirit do të kenë atribute të ndryshme nga maqedonasit e Republikës së Maqedonisë. Maqedonasit e dy anëve të kufirit do të kenë dy histori të ndryshme, kulturë dhe trashëgimi të ndryshme. Zaevi pranon që ta ndryshojë identitetin institucional, dhe kjo do të thotë mundësia që qytetari në mënyrë institucionale të identifikohet si maqedonas, Zaevi ia lë këtë Greqisë. Në Republikën e Maqedonisë Zaevi ndërton identitet të ri”, thotë zëdhënësi i partisë opozitare maqedonase OBRM-PDUKM, Naum Stoilkovski.

Sot mund të lexoni Shfletoni kopertinat