Kongresi Botëror Maqedonas kërkon që Ivanov të mos e pranojë marrëveshjen me Greqinë

Maqedonia

Kongresi Botëror Maqedonas kërkon që Ivanov të mos e pranojë marrëveshjen me Greqinë

Më: 14 shtator 2018 Në ora: 13:29
Gjorge Ivanov

Kongresi Botëror Maqedonas (KBM) që udhëhiqet nga Todor Petrov do ta bojkotojë referendumin, ndërsa do të udhëheqë edhe fushatë “Bojkotoj, do të thotë nuk votoj”.

Petrov thotë se është e drejtë legjitime e tij si qytetarë të jetë kundër referendumit dhe mos të votojë, ndërsa ikurajon edhe të tjerët të mos frikësohen dhe ta bëjnë të njëjtën.

KBM ka dorëzuar edhe ankesë në KSHZ për mbrojtje të të drejtës së votës nga korrupsioni në fushatën publike, pas fjalimit të kryeministrit Zoran Zaev se kompanitë do të japin rroga më të mëdha nëse të punësuarit votojnë në referendum.

Ai tha se pret edhe nga presidenti Gjorge Ivanov që të tregojë se marrëveshja me Greqinë është e pavlefshme.

“Kemi ngritur padi penale ndaj kryeministrit dhe ministrit të Punëve të Jashtme, kundër 69 deputetëve në Kuvendin e Maqedonisë, të cilët votuan “pro” marrëveshjes me Greqinë. Në Gjykatën Kushtetuese kemi dorëzuar dy iniciativa për anulimin e referendumit, si dhe padi ndaj anëtarëve të KSHZ-së për keqpërdorim të detyrës zyrtare”, tha Petrov në konferencë prë shtyp.

Ai njoftoi se KBM do të mbështesë çdo iniciativë për bojkot të referendumit, ndërsa bëri thirrje për vullnetarë të cilët do të vëzhgojnë referendumin.

Sot mund të lexoni Shfletoni kopertinat