Kancelari austriak Sebastijan Kurc sot përmes një video-porosie sërish u bëri thirrje qytetarëve të Maqedonisë që të dalin në votim në referendumin më 30 shtator.
"Austria është mike dhe partnere e rëndësishme e Maqedonisë. Shpresoj në rezultat pozitiv nga referendumi, në pjesëmarrje aktive nga qytetarët dhe me këtë, zgjidhje të perspektivës evropiane. Unë nuk mund ta sjell vendimin tuaj, por si mike e Maqedonisë shpresoj në vendim të duhur dhe në zhvillim evropian", porositi Kurc.
Kancelari austriak të njëjtën porosi e drejtori edhe gjatë vizitës në Maqedoni më 7 shtator. Ai e përshëndeti marrëveshjen e arritur me Greqinë, ndërsa pranimi i saj në referendum, siç theksoi, është një shans i madh për europerspektivat e Maqedonisë dhe për tërë rajonin.