Tri traktorë dhe gjashtë metër kubik dru të prerë jo ligjor dhe dy sharra motorike ka marrë policia në dy vende në Pollog gjatë ditës së djeshme, informoi zëdhënësi i SPB Tetovë, Marjan Josifovski.
Sipas të dhënave të tyre, rreth orës 21:00 mbi xhaminë në fshatin Xhepisht policët në rrugën që çon drejt malit janë përpjekur të ndalojnë dy traktorë të mbushur me nga 2 metër kubik drunj. Ata kanë sinjalizuar me dritë sinjali vozitësve të ndalojnë në vend por vozitësit e kanë zmadhuar shpejtësinë dhe siç tha Josifovski janë përpjekur t’i shkelin policët.
Dy policët atëherë kanë shkrepur nga pistoletat e tyre zyrtare dy plumba paralajmërues, ku vozitësin kanë ndaluar dhe kanë ikur në drejtim të fshatit Poroj. Policia i ka marrë traktorët e mbushur me drunj si dhe një sharrë motorike dhe ua ka dhënë drunj ilegalisht të prerë pjesëtarëve të policisë malore. Policia ka gjetje fillestare për identitetin e vozitësve dhe po punohet për zbardhjen e plotë të rastis.
Rast i dytë i këtillë ka ndodhur në Çegran kur rreth orës 19:30 policët kanë ndaluar personin R.B (55) nga Çegrani i cili ka drejtuar me traktor të mbushur me dy metër kubik dru. Edhe këto dru të prerë ilegalisht janë dhuruar policisë malore derisa policia ka konfiskuar traktorin dhe një sharrë motorike personit R.B, tha Josifovski.
