Ish-diplomati dhe njohësi i zhvillimeve politike, Arsim Zekolli ka vazhduar me kritika në adresë të Qeverisë së kryeministrit Zoran Zaev.
“Nëse Zaev do të bënte spastrim të ministrave në qeverinë e tij, menjëherë pas dështimit të referendumit, argumentet e drejtuara ndaj opozitës “për të mirën e vendit” do të mbanin. Kështu, ai kërkon ndryshim dhe viktimizim nga të gjithë- përveç atij dhe njerëzve të tij. Kjo është joserioze”, theksoi ish-diplomati Zekolli, informon INA.
Ai është ndër të paktët në Maqedoni që paralajmëroi dështimin e referendumit për emrin që u zhvillua më 30 shtator, me argumentet se faji qëndron tek Qeveria e dështuar, e cila nuk ka rezultate në qeverisjen e saj dhe politikat e gabuara.