Milloshoski: Pas referendumit 15 deputetë janë ftuar nga PSP, nuk do të votoj për ndryshimet kushtetuese

Maqedonia

Milloshoski: Pas referendumit 15 deputetë janë ftuar nga PSP, nuk do të votoj për ndryshimet kushtetuese

Më: 16 tetor 2018 Në ora: 12:17
Antonio Milloshoski

“Pas referendumit të pasuksesshëm rreth 15 miq të mi deputetë, mes të cilëve edhe unë janë ftuar nga ana e PSP-së për lëndë të ndryshme dhe mendoj se me këtë tregohet se Prokuroria Speciale ka qëllimin e saj politik, gjegjësisht gjithë këto raste dhe procedura kanë për qëllim të shtyjnë disa deputetë të votojnë kundër vullnetit të popullit, “pro” ndryshimeve kushtetuese”.

Këtë e deklaroi deputeti Antonio Milloshoski, pasi është marrë në pyetje nga ana e PSP-së për rastin “I fuqishmi”, duke shtuar se më e rëndësishme se gjithçka është të respektohet vullneti i popullit, përcjell Telegrafi Maqedoni.

“Lëndët nuk do t’i komentoj, por dua të them se të njëjtat janë të pabaza dhe se vetë koha kur janë nisur, pas referendumit, tregon se PSP ka drejtësi selektive dhe se është institucion politik për të kryer presion mbi një pjese të madhe të deputetëve të opozitës, për të votuar për ndryshimet kushtetuese”, tha Milloshoski.

Ai tha se sot është mbajtur shkurt nga PSP-ja pasi ka kërkuar që të sheh dokumentetet, ndërsa gjatë javës së ardhshme do të deklarohet për këtë rast.

commentFirst article
Sot mund të lexoni Shfletoni kopertinat