Sot realizuan një konferencë për shtyp ku të pranishëm ishin kryeministri, Zoran Zaev, zv. kryeministri për Integrimet Evropiane, Bujar Osmani, ministri i Brendshëm, Oliver Spasovski, ministrja e Drejtësisë, Renata Deskoska dhe Ministri i Administratës Damjan Mancevski.
Sistemi i drejtësisë, shërbimet e inteligjencës së sigurisë, administrata publike dhe lufta kundër krimit të organizuar dhe korrupsionit janë fokusi i reformave në planin e qeverisë për përafrimin me Bashkimin Evropian. Plani 18 është një vazhdim i reformave që janë zbatuar në Planin 3-6-9.
“Qëllimi përfundimtar i reformës është përmirësimi i jetës së qytetarëve. BE me vëmendje vëzhgon se si po zbatohen reformat, por ne, mbi të gjitha, këtë e bëjmë për qytetarët”, tha Zaev.
Ndërsa Bujar Osmani tha se “personalisht, unë kam realizuar takim me opozitën OBRM-PDUKM për këtë plan, por deri më tani nuk kam marrë komente me shkrim nga opozita.
