Nesër, e hënë në Bruksel Maqedonisë do t’i prezantohet Kapitulli 24 për të drejtat, liritë dhe sigurinë e njeriut.
Siç njoftojnë nga Kabineti i zëvendëskryeministrit për Çështje Evropiane, kapitulli do t’i prezantohet Bujar Osmanit, nën rolin e negociatorit kryesor dhe shefit të delegacionit shtetëror për negociata me Maqedoni – Bashkimi Evropian (BE).
Në kuadër të vizitës së Osmanit në Bruksel do të realizohet edhe takim joformal me përfaqësuesit e grupit punues në Këshillin e BE-së për Ballkanin Perëndimor, ku do të prezantohet edhe Plani 18, si dhe do të ketë takim pune me eurokomesarin për Zgjerim dhe Politikë Fqinjësore, Johanes Han.