Protestuesit para Qeverisë përveç kërkesës që protestës t’i bashkohen edhe funksionarë të Qeverisë, përfshirë kryeministrin Zaev i cili dikur ka protestuar bashkë me aktivistët për të kërkuar sundim të së drejtës, kërkojnë dorëheqjen e Spasovskit dhe paraburgim edhe të Sasho Mijallkovit. Protestuesit fotografinë e Gruevskit lanë kujtim Zaevit për tija rikujtuar se duhen përmbushur premtimet.
Ndryshe, nisma për protestën në fjalë erdhi pas arratisjes dhe ikjes nga organet e rendit dhe të drejtësisë, të ish kryeministrit Gruevski, kurse organizatorë të protestës janë aktivistet Irena Ristiç dhe Meri Nikollova.
