Vazhdon gjykimi për dhunën në Kuvendin e Maqedonisë

Maqedonia

Vazhdon gjykimi për dhunën në Kuvendin e Maqedonisë

Më: 16 nëntor 2018 Në ora: 12:32
Dhuna në Kuvendin e Maqedonisë

Në Gjykatën penale në Shkup sot vazhdon gjykimi për ngjarjet e 27 prillit të vitit të kaluar në Kuvendin e Republikës së Maqedonisë.

Në seancën e djeshme u lexuan porositë në viber mes protagonisteve të ngjarjeve të dhunshme në Kuvend. Në një grup të formuar mes deputetëve komunikimi ka filluar në orën 17 e 48 minuta me porositë e Johan Tarcullovskit “Po mbrohet Maqedonia”, “Kthim prapa nuk ka” e shkrime tjera. Nga porositë rezulton koordinimi që ka ekzistuar mes ish kreut të Kuvendit Trajko Veljanovski dhe disa prej deputetëve përfshirë edhe Kërste Mukoskin.

Krsto Mukoski lidhur me zhvillimet e 27 prillit ka komunikuar përmes grupit në aplikacionin viber me rreth 40 persona. Mes tyre më i zëshmi ishte ish ministri i transportit Mile Janakievski, Liljana Kuzmanovska, Emil Dimitriev, Aleksandar Atanasov, Johan Tarçullovski, Spire Risteski dhe shumë persona të tjerë mes të cilëve disa edhe me kode.

Në grupin në viber qëndron edhe një numër i regjistruar si kolegia “Çair” e cila më 27 prill njofton në grup se po hapen dyert e Kuvendit. Ajo mes tjerash thotë ma leni mua Sheqerniskën.

Për ngjarjet e 27 prillit të akuzuar janë 33 persona prej të cilëve 31 për veprën “rrezikim terrorist të rendit kushtetues” dhe 2 të tjerët për “nxitje të dhunës”.

Sot mund të lexoni Shfletoni kopertinat