Seanca e sotme për ngjarjet e 27 prillit të vitit të kaluar në Kuvendin e Maqedonisë është anuluar, për shkak se prokurorja Vilma Ruskoska është zgjedhur shefe e Departamentit kundër krimit të organizuar dhe korrupsionit.
Ruskoska sot ka dhënë betimin për pozitën e saj të re, ndërsa seanca për ngjarjet e 27 prillit është caktuar për ditën e nesërme, njofton Telegrafi Maqedoni.
Në seancat paraprake për ngjarjet e 27 prillit, si dëshmi janë prezantuar SMS porositë që të akuzuarit i kanë dërguar në natën e përgjakshme.
Në seancën e fundit u lexuan SMS porositë nga celulari i dëshmitarit Sashko Kocevski, i cili ka qenë i angazhuar për votimin elektronik në Kuvend,i Maqedoni.
Të pranishëm ishin 32 të akuzuarit, përveç Sasho Markovski, për të cilin për shkak të gjendjes së tij shëndetësore është ndarë procedura.
Procesin e gjykimit e udhëheq Dobrilla Kacarska, ndërsa përfaqësuese të aktakuzës janë Vilma Ruskovska dhe Ivana Trajçevska.
Për ngjarjet e 27 prillit të akuzuar janë 33 persona, mesin e të cilëve edhe deputetë dhe të punësuar në Ministrinë e Punëve të Brendshme.
