Rita Ora ka publikuar të premten videoklipin e këngës së saj më të re të titulluar “Bang” në bashkëpunim me reperin Imanbek.
Kënga është pritur shumë mirë sidomos nga fansat e saj shqiptarë për shkak të paraqitjes së saj në videoklip me veshje kombëtare shqiptare, të dizajnuara nga stilisti nga Kosova Valdrin Sahiti.
Kënga e cila është pjesë e minialbumit me të njëjtin emër është shfaqur edhe në ekranin e madh të “Times Square” të New Yorkut.
Lajmin e ka bërë të ditur motra, njëherësh menaxherja e Ritës, Elena Ora përmes një postimi në Instagram.
