Edhe këngëtari shqiptar, Clleviio Serbiano, ka ardhur për herë të parë në Kosovë për ta vizituar Prekazin me rastin e 15-vjetorit të pavarësisë së Kosovës.
Ai tha se ka ardhur në Prekaz pasi e njeh historinë dhe sakrificën e familjes Jashari, dhe se dëshironte që këtë histori të lavdishme të popullit shqiptar ta prekte nga afër.
Serbiano tha se i erdhi mirë që me këtë rast pa edhe krerët shtetëror dhe përfaqësues të tjerë të institucioneve të Kosovës.
Serbiano: Erdha në Prekaz për të prekur nga afër historinë e lavdishme të popullit shqiptar
"Sot po ndihem shumë mirë dhe nga ditët historike. Unë nuk kam vizituar këtu heronjët e popullit dhe të paktën ja di historinë dhe doja që ta prekja historinë nga afër... Kosova është në rrugë të duhur dhe sot pashë dhe delegacionin e Qeverisë së Kosovës dhe më është bërë qejfi që ishin aq të organizuar dhe që e respektojnë këtë vend", tha Serbiano.
Ai uroi Festën e Pavarësisë, duke i dëshiruar popullit shqiptar veç ditë feste.
Serbiano: Urime pavarësia, mos pafshim taksirate të tilla
"Uroj të gjithë kosovarëve ditën e pavarësisë, ta festojnë dhe mos pafshim më taksirate të tilla", tha Serbiano.
