Është projekti i dytë që këngëtari me zërin e veçantë e ka lansuar këtë vit. E kemi fjalën për Ardian Dema dhe projektin mjaft të bukur që ka ardhur pak ditë më parë me një super klip.
Quhet "Jabanxhi" projekti i Ardianit e ku mësojmë se për orkestrim dhe muzikë ka bashkëpunuar me Wirusi, teksti shkruar nga Avni Qahili e video nga Urbangraphics dhe ia vlen ta dëgjoni në linkun më poshtë.
Ky projekt i tij vjen pas suksesit të këngës "Pse s' jena mo" , të cilën e realizoi në Gjermani.
Por surprizat dhe hitet nga Ardiani nuk do të ndalen, shumë shpejt do jetë kënga e radhës "Djali i lumtur" autor i së cilës është Ilir Berani me orkestrim nga Ardian Kastrati e shumë shpejt do të realizojë klipin e saj.
Gjithmonë Ardiani ka zgjedhur të bashkëpunojë me më të mirët e suksesi është i padiskutueshëm.
Gjithashtu mësojmë se ai do të realizojë dhe disa këngë, cover e projekte gjatë këtij viti si dhe një super plan ku do të jetë një përmbledhje e të gjithave këngëve të tij në një album unik, ndërsa ai ka mjaft ftesa kudo.BS
