Cher ka ndarë një këshillë shumë të rëndësishme për të gjitha gratë.
Këngëtarja 77 vjeçare foli për një gjë që të gjitha gratë duhet të bëjnë një herë në jetën e tyre gjatë episodit të së premtes në "Chicken Soup Date" me prezantuesen Amelia Dimoldenberg.
"Dilni me burra/djem më të rinj se ju," tha ajo.
Cher, e cila është në lidhje me 37-vjeçarin Alexander Edwards, foli më tej për romancën e saj të papritur, duke zbuluar se:
“U largova për të shkuar në Zvicër dhe ai më dërgoi një mesazh, ‘Ku po shkon?’. Unë thashë ‘Unë do të shkoj në Zvicër. Jam pak e lodhur, dhe më pas ai më shkroi: "Epo, pusho pak, baby," me tre Y.
Mendova, ‘Ai nuk më njeh aq sa për t’i vënë tre Y-të në fund të fjalës 'baby’. Unë isha disi e inatosur. Dhe më pas ai filloi të më dërgonte mesazhe.”
Këngëtarja shpjegoi se nuk ishte kurrë qëllimi i saj të binte në dashuri me dikë 40 vite më të vogël.
“U thashë miqve të mi, mos u dashuroni me një burrë më të ri, ne jemi shumë të vjetër. Dhe mos u dashuroni me mesazhe. Kjo teori nuk vlen”, vazhdoi Cher.
Ajo zbuloi se Edwards i bleu asaj një unazë që ajo "e mban gjatë gjithë kohës". Çifti u takua në Javën e Modës në Paris në vjeshtën e vitit 2022 dhe ra në dashuri me të pas “rreth 15 minutash”.
Ata thuhet se u ndanë në maj, por me sa duket u rikthyen bashkë disa muaj më vonë. Pas ribashkimit, një burim i brendshëm i tha Page Six se këngëtarja "thjesht dëshiron të jetë e lumtur".
Cher ka pranuar se ajo është kokë e këmbë e dashuruar.
“E urrej të flas se sa e lumtur jam, por … ne kalojmë një kohë të mirë së bashku,” tha ajo për Extra në tetor. “Mund të flasim për muzikë. Mund të flasim për gjithçka. Ai ka një sens të shkëlqyeshëm humori… Ne thjesht e njohim njëri-tjetrin.”
Dyshja e çuan marrëdhënien e tyre një hap më tej kur regjistruan një album Krishtlindjesh së bashku, të cilin e publikuan në tetor.
