Mendoni pak: çfarë kanë të përbashkët Belén Rodriguez dhe Ilary Blasi? Jo, mos u ndalni në përgjigjen e parë, më e thjeshta: nuk po flasim për tradhtitë nga ish-bashkëshortët- të paktën sipas dy showgirls-ve.
Është diçka tjetër, dhe është shumë më pak dramatike. Një rastësi e çuditshme lidh dy nga figurat më të përfolura të ekranit të vogël në Itali: Ilary Blasi, për të treguar historinë e saj me shpejtësi të plotë (ose, të paktën, për të paraqitur tezën e saj, por pa pyetje të kryqëzuara, në komoditetin absolut në një studio duke regjistruar me mundësi editimi sipas dëshirës) në dokumentarin ‘Unico’ në Netfix, dhe Belén Rodriguez, e cila pas një mungese misterioze dhe alarmante kthehet në TV në emisionin e Mara Venier, për të folur për vitin e saj të fundit, mes depresionit, tradhtive dhe rilindjes, kanë zgjedhur për t'i dhënë dramat e tyre publikut të veshur me një këmishë të thjeshtë të bardhë.
E kombinuara me pantallonat e zeza (dhe takat e zeza) nga Ilary, dhe me një fund me pika nga Belén, të dyja yjet televizive në fakt duket se i besojnë teorisë se kjo veshje ‘passepartout’ mund të bëjë një pastrim rreth figurës së tyre, për të shndërruar gjithçka që i rrethon në një fletë të bardhë, në një hapësirë ??neutrale, për të përqendruar vëmendjen në një histori që paraqitet si objektive dhe, padyshim, e besueshme.
Ashtu siç bëri Victoria Beckham, në dokumentarin e David Beckham për Netflix: edhe në ato frekuenca, në sfond, tema e tradhtisë rridhte mjaft e qetë si një kujtim i largët tani i harruar (Rebecca Loos).
Por nëse për të gjithçka i përket të shkuarës dhe synimi është të vizatojë imazhin e një familjeje të lumtur dhe elegant siç mund të jetë vetëm një këmishë e bardhë mëndafshi, për dy yjet italiane qëllimi është krejtësisht ndryshe.
Zgjedhja e përbashkët e një këmishe të bardhë është një mjet i thjeshtë, madje edhe pak banal, për të shmangur dhënien e pikave të mundshme të shpërqendrimit, për të përqendruar vëmendjen në fytyrë, te historia, te ndjenjat dhe te emocionet. Mbi të vërtetat e tyre, për t'i bërë më të qarta dhe më absolute. Më reale, me pak fjalë.
