Një nga boksierët më të njohur sot, Ryan Garcia, ka njoftuar lindjen e djalit të tij (Henry Leo), ndërsa një orë më vonë ka njoftuar divorcin nga bashkëshortja e tij, modelja e njohur Andrea Celine.
25-vjeçari njoftoi ndarjen me gruan e tij në llogarinë e tij në Instagram dhe ata ishin së bashku për tre vjet.
“I jam mirënjohës Zotit, tashmë e dua shumë. Është aq i shpejtë që tani, saqë iu deshën vetëm tetë minuta për të mbërritur në këtë botë. Ai do të jetë dhjetë herë më i fortë, dhjetë herë më i mençur dhe dhjetë herë më i mirë se unë, por do të duhet të punojë 10 herë më shumë nga unë”, u shpreh ai.
Në një postim tjetër, Garcia theksoi: “Ndërsa hyj në një kapitull të ri në jetën time, me zemër të thyer më duhet të njoftoj se unë dhe Drea po divorcohemi”.
Boksieri, i cili ka rekordin 24-1, tha se do të mbështesë financiarisht dy fëmijët e tyre për aq kohë sa të jetë e nevojshme.
Se sa i famshëm është ai e dëshmon më së miri fakti se ka 10.3 milionë ndjekës në Instagram, ndërsa për shembull Tyson Fury ndiqet nga vetëm 6.8 milionë fansa.
Garcia dikur ishte kampioni i përkohshëm botëror i peshave të lehta në WBC.
