Pas një pritjeje të gjatë, talent-show-i më i dashur në Shqipëri, “X Factor Albania”, ka nisur rrugëtimin e tij në edicionin e 5-të duke marrë vëmendjen e miliona shqiptarëve në Shqipëri, Kosovë, Maqedoninë e Veriut, dhe në të gjithë botën.
Spektatorët janë mbërthyer në magjinë e këtij show të mrekullueshëm, duke shfaqur mbështetjen e tyre në rrjetet sociale, e jo vetëm.
Ndjekës të ndryshëm kanë dërguar video dhe foto në adresën zyrtare të “X Factor” në Instagram nga diaspora, duke treguar se emocionet e këtij spektakli nuk njohin kufij. Nga Amerika në Japoni, nga Evropa në Afrikë, ‘X Factor Albania’ po bashkon shqiptarët në mbështetje të talenteve të reja të muzikës shqiptare.
New York, Kaliforni, Detroit, Chicago, Londër, Paris, Romë, Japoni, Poloni, Stamboll, Napoli, Maltë, Gjermani, Bosnja dhe Hercegovina janë vetëm disa nga vendet prej ku na ndjekin shqiptarët.
‘X Factor Albania’ është një hap i rëndësishëm drejt karrierës artistike të gjithë konkurrentëve, duke shërbyer si një akademi për të ekspozuar talentet e tyre përpara një audience të gjerë.
Gjithashtu, ky show është një platformë për të krijuar emocione të forta dhe për të bashkuar komunitetin shqiptar në mbarë botën, si një shprehje e fuqishme e identitetit kulturor shqiptar.
Për produksionin, ky është një privilegj, krenari, por edhe sfidë për të sjellë një spektakël të paharrueshëm për publikun kudo na ndjek.
Të gjithë kemi shumë për të parë dhe për të dëgjuar, dhe kjo aventurë muzikore do të vazhdojë të frymëzojë dhe të gëzojë shqiptarët kudo në botë.
