Këngëtarja Fjolla Morina ka hedhur sërish akuza të forta ndaj ish-bashkëshortit të saj, Fisnik Syla.
Ajo ka zgjedhur platformat sociale për të ndarë me ndjekësit e saj një video ku analisti politik Milaim Zeka akuzon ish-partnerin e Morinës për një borxh të pashlyer.
Videoja e postuar në InstaStory të Fjollës vjen me një mesazh të qartë dhe provokativ: “Shiheni e mësoni ju mediat që e merrni nëpër intervista”, duke i drejtuar kështu gishtin akuzues mediave që, sipas saj, janë duke i dhënë hapësirë një personi që ajo e konsideron të papërshtatshëm për të tillë vëmendje.
Por akuzat e saj nuk përfundojnë me kaq. Në një InstaStory të mëpasshëm, këngëtarja e famshme për këngët si “FB” nuk nguroi të etiketojë ish-burrin si “kriminel”, duke iu drejtuar mediave me një ton kritik: “Ju mediat që merreni me një kriminel, e e thirrni nëpër emisione sojin e tij”.
Ky shpërthim i ri i Morinës në rrjetet sociale tregon se mosmarrëveshjet dhe konfliktet me ish-partnerin e saj nuk janë shuar, pavarësisht kohës që ka kaluar.
Ajo ka bërë të qartë që ndjenja e padrejtësisë dhe dëshira për të qenë e dëgjuar e shtyjnë të mos heshtë dhe të vazhdojë të flasë hapur për çështjet e saj personale.
