Kim Kardashian është paralajmëruar nga mjekët se mund të vdesë nga gjakderdhja nëse mbetet sërish shtatzënë.
Bukuroshja e famshme, e cila ka një vajzë trevjeçare dhe një djalë 11 muajsh me Kanye West, dëshiron të lindë fëmijë të tjerë, mirëpo mjekët e kanë këshilluar të mos ndërmarrë një hap të tillë.
Kjo për shkak të komplikimeve që i ka pasur në dy shtatzënitë e mëparshme.
Në episodin e të dielës në “Keeping Up With The Kardashians”, 36-vjeçarja theksoi se do të dëshironte së paku edhe një fëmijë.
Mirëpo, mjeku i saj, Paul Crane, ka sqaruar se ekziston rrezik potencial që ajo të ketë komplikime që mund të shkaktojnë vdekjen e saj nëse mbetet sërish shtatzënë.
