Këngëtari Shpat Kasapi shumë herë ka qenë i përfolur për jetën e tij private.
I ftuar në emisionin Top Show, Shpati ka pranuar se është në lidhje serioze, madje ai tregoi se edhe kënga e tij e fundit me titull “Aroma e saj” është dedikim për të dashurën.
Duke folur për të dashurën, ai tha se është një vajzë shumë e mirë dhe theksoi se e respekton shumë nënën e tij, e cila gjithashtu ka pranuar lidhjen e tyre.
Kujtojmë që Shpati pas ndarjes nga modelja Afërdita Dreshaj ka qenë i përfolur disa herë për lidhje dashurie, por deri tani nuk ka pranuar diçka të tillë, kurse në intervistën e fundit ai u shpreh shumë i lumtur për lidhjen e re.