Seriali "Rebelde" ka qenë një nga filmat më të ndjekur shumë vite më parë, por që nuk do të mbetet me kaq. Së shpejti do të nisë sezoni i ri, që do t'ju mahnisë me surprizat.
Të gjithë fëmijëve të viteve 90' u kujtohet më së miri seriali i adoleshentëve "Rebeldet", i cili i ka mbajtur të gozhduar para ekranit për disa sezone. Më pas dolën edhe dy filma përmbledhës, që shitën miliona kopje. Aktorët vazhduan jetën e tyre, shumica janë martuar dhe kanë edhe fëmijë sot, kështu që të gjithë menduan se kaq e patën.
Por jo, i njëjti regjisor ka menduar të rikthejë sërish serialin në një sezon të ri. Bëhet fjalë për bashkimin e 13 protagonistëve të 10 kombësive të ndryshme. Xhirimet kanë nisur dhe vetëm mbrëmjen e kaluar u publikua klipi ri i këngës hyrëse të serialit, që titullohet "Like".
