Hithra është njohur edhe si “urtia dionica” në latinisht dhe ka një trashëgimi të pasur bimore. Hithra ka qenë përdorur si një diuretik(largimin e ujit të tepërt nga trupi) që në kohët mesjetare në Evropë.
Një filxhan çaj hithre/ ujë hithre përmban vitamina A, B, K, riboflavin, nicalin, folate, karbohidrate (71.33%), yndyrë (2.36%) dhe proteina (25.8%).Hithra është gjithashtu e pasur me minerale si kalcium, hekur, kalium, fosfor, mangan, zink, bakër dhe magnez. Ju mund ta përgatisni lëngun e hithrës duke vluar disa gjethe hithre në ujë, mund t’i shtoni një lugë mjaltë për ta ëmbëlsuar.
Më poshtë gjeni disa nga vetitë ushqyese dhe medicinale të hithrës
Parandalon formimin e gurëve në veshka dhe problemet e traktit urinar.Lëngu i hithrës është një diuretik natyror që lejon rrjedhjen e duhur të lëngjeve nga veshka dhe fshikëza duke parandaluar kështu formimin e gurëve në veshka.
Mund të trajtojë infeksionet e traktit urinar. Lehtëson dhimbjet e gjymtyrëve dhe muskujveHithra ka qenë përdorur që në kohët e lashta për trajtimin e artritit. Ka veti anti-inflamatore dhe redukton dhimbjet e muskujve gjithashtu.
Kuron ekzemën dhe sëmundjet e tjera të lëkurës.Për shkak të vetive antibakteriale që ka, lëngu i hithrës ndihmon në eliminimin e toksinave nga trupi, kuron sëmundjet dhe irritimet e lëkurës.
Parandalon dhe shëron alergjitë
Lëngu i hithrës mund të lehtësojë alergjitë që ndodhin për shkak të ndryshimeve sezonale si kruarjet, sekrecionet dhe teshtimën, shkruan Shije.al.
Është tonik i mirë për gratë
Lëngu i hithrës është i pasur me hekur dhe ndihmon në luftimin e anemisë. Gratë shtatzëna duhet ta përdorin lëngun e hithrës për të parandaluar gjakderdhjet dhe për ta bërë fetusin më të fortë.
Femrat që vuajnë nga dhimbjet e ciklit duhet të përdorin lëng hithre për të lehtësuar këto dhimbje.
Është i mirë për tretje
Pini lëng hithre në mënyrë që të parandaloni dispepsinë, të vjellat, kolitin, parazitët dhe sëmundjet e trakit tretës.
Ul nivelin e kolesterolit në gjak
Hithra përmban beta sitosterol, ky përbërës ndihmon në thithjen e kolesterolit të keq dhe siguron një zemër të shëndetshme.
Ruan strukturën e duhur të qelizave
Hithra është e pasur me flavonoide si kuercetinë, i cili është antioksidant i shkëlqyer. Lëngu i hithrës ndihmon në mbrojtjen e ADN-së.
Parandalon diabetin dhe presionin e lartë të gjakut
Lëngu i hithrës do të ulë nivelet e sheqerit dhe glicemisë në gjak.
Perfekt për higjenën orale
Përdoreni lëngun e hithrës në formë gargare në mënyrë që të pastroni gojën nga bakteret e dëmshme që çojnë në prishjen e dhëmbëve dhe erë të keqe të gojës.