Në programin e sotëm të “Shqipëria Live”, ka qenë e ftuar Alma, një mësuese e cila arrin që përmes terapive saj të arrijë të ringjallë energjinë e tyre vetjake. Ajo gjithashtu ka treguar që prej brezash ka trashëguar shërimin me praktika apo teknika të caktuara për shtatzaninë.
“Është një teknikë që ndihmon gratë që të mbeten shtatzënë, ato që kanë vështirësi. Ka qenë një praktikë e trashëguar brez pas brezi, e cila vazhdon edhe sot. Gjyshja, e cila ka jetuar deri në 100 vjec, ka ndihmuar për të sjellë në jetë mbi mijëra fëmijë”.
Për të gjithë ata që mund të jetë skeptik, mësuesja ka shpjeguar: “Ajo lidhet me pozicionimin e mitrës në vendin e caktuar. Personat mund të kenë patur probleme fizike ose mund të kenë lindur ashtu dhe mitra nuk është në pozicionin e caktuar dhe ne kemi metodën që e bëjmë këtë. Pra është vetëm një metodë me fërkime dhe masazhe. Ndonjëherë kërkon ndonjë medikament me bazë bimore”.
Alma përveçse punon në arsim prej 33 vitesh, ajo gjithashtu është një bletërritëse dhe prodhon mjaltë, qumësht blete Propolis dhe ilaçe të ndryshme për shërim me këto produkte bazë.
Është e apasionuar pas mjekësisë alternative i njeh mirë bimët përdorimin dhe vlerat kurative. Njëkohësisht ajo përgatit shumë ilaçe me bazë bimësh medicinale.
Alma shprehet se dashuron jetën në të gjitha aspektet dhe i merr sfidat jo si problem por si bekime, si dhurata pasi ato të rrisin shpirtërisht.
