Një nënë ka denoncuar torturën që i bëhet fëmijës së saj çdo ditë në shkollë.
Ajo ka peshuar çantën e djalit të saj, i cili është në klasë të gjashtë dhe siç e shihni në foton e mëposhtme, fëmija detyrohet të mbajë në shpinë çdo ditë nga 5.7 kg. Zonja e kishte peshuar çantën te marketi pasi mezi e mbante, ndërsa djali i saj kthehej gjithnjë i lodhur në shtëpi dhe mezi mbushej frymë. Ja çfarë thotë ajo:
Prsh joq. Kjo është çanta e një nxënësi në klasë të gjashtë. Shikoni se çfarë peshe ngrejnë fëmijët pa hapur sytë ende. Në çantë ka lëndët anglisht, matematikë, gjuhë, vizatim, tik pa llogaritur ujin që merr dhe sanduiçin. E bukura është se mësuesit kërkojnë edhe 3 fletore për një lëndë si biologjia. Çantën e peshuam tek supermarketi poshtë shtëpisë pasi edhe unë vet mezi e mbaja. Ideja për ta postuar tek ju ishte i shitësit. Edhe djali ankohet sa herë që vjen nga shkolla, mezi mbushet frymë nga pesha e madhe. Faleminderit nëse e publikoni.
