Në një rrugë të Malajzisë, është filmuar momenti i pazakontë kur një kamion masiv e shtynte me pjesën e përparme një veturë të vogël.
Kamera e vendosur në helmetën e një motoçiklisti, e ka xhiruar makinën transportuese që shtynte një "Hundai", rrotat e të cilit gërryheshin për asfalti, duke lëshuar zhurmë rrëqethëse.
Dyshohet se shoferi që ishte lart në kabinë, nuk dinte se çfarë po ndodhte poshtë tij, derisa është njoftuar nga kalimtarët e rastit.
Por, në bazë të komenteve, thuhet se ai ishte përleshur me shoferin e këtij automobili, dhe pasi e ka përplasur ka nisur ta shtyjë nëpër rrugë.
