Një 23- vjeçar ka vdekur, pasi e dashura i vendosi flakën shtëpisë së tij, vetëm disa orë pasi festuan Vitin e Ri.
Një familje në Angli, ka përjetuar orë tmerri, mëngjesin e së dielën, pasi e dashura e djalit, i ka vënë zjarrin shtëpisë së tij. Cameron Logan, 23- vjeç ka gjetur vdekjen si pasojë e plagëve të shumta që ka marrë, pasi e dashura e tij, 24-vjeçarja i ka vënë flakën shtëpisë të së dashurit në East Renfrewshire.
Çifti ka festuar natën e Vitit të Ri së bashku, por më pas 24- vjeçarja i ka vënë qëllimisht zjarrin banesës. Sipas mediave britanike, të cilat citojnë policinë deri me tani nuk dihet shkaku, por zjarri ka qenë i qëllimshëm dhe pretendohet të jetë vendosur nga e dashura e Logan.
Si pasojë e flakëve ka gjetur vdekjen Cameron Logan, prindërit kanë arritur të shpëtojnë, ndërsa 24-vjeçarja është në gjendje kritike për jetën, pasi ka marrë plagë të shumta.
Deri më tani nuk ka ende detaje, por nga hetimet paraprake rezulton se zjarrvënia ishte e qëllimshme.
