Në një fshat në Kazakistan, të quajtur Kalachi banorët flinin me ditë të tëra. Ata nuk bënin një jetë normale dhe shumicën e kohës ishin pa ndjenja, dhe kjo ka ndodhur 3 vjet radhazi.
Kjo gjë për një kohë të gjatë ka qenë shqetësuese, duke qenë e panatyrshme të flihet 2-3 ditë deri në një muaj, përderisa dihet se gjumi nuk duhet të jetë më shumë se 8 orë. Prandaj, në muajin gusht të vitit që lamë pas u bë një studim rreth kësaj dhe u dha një arsye pse ndodh kjo.
Përfundimet e studiuesve i bëri publike zv/presidenti i Kazakistanit, Berdybek Saparbayev, i cili tha se pas analizave të shumta mjekësore, u konfirmua se shkaku i epidemisë së gjumit në Kalachi ishte monoksidi i karbonit që nxjerr miniera e vjetër e uranit, në periferi të fshatit.
Pas studimit njerëzit u evakuan. Banorët e fshatit kazak, i njohur ndryshe si “Sleepy Hollow”, kanë vuajtur nga epidemia e gjumit, ku njerëzit i zinte gjumi papritur, gjendje që vijonte për ditë me radhë, madje deri në një muaj.