Një hajdut idiot!

Ndryshe

Një hajdut idiot!

Më: 16 prill 2018 Në ora: 10:12
SHBA

Ashtu si në çdo fushë të jetës, njerëzit ndahen në disa grupe përsa i përket profesionalizimit në kryerjen e detyrave që u ngarkohen.

E kësaj ndarjeje nuk mund t’u shpëtojë as “profesioni i skifterit”. Në mënyrë të thjeshtëzuar hajdutët mund të ndahen në të rëndomtë dhe elitarë, por mund të ketë edhe krejtësisht qesharakë, si rasti i mëposhtëm.

Kamerat e sigurisë të një strehë për qentë në Shtetet e Bashkuara fiksuan një moment sa të pazakontë, aq edhe humoristik. I maskuar nga maja e kokës deri tek gishti i këmbës, hajduti futet nga hyrja e qenve në derën kryesore.

Me të hyrë brenda, kamerat regjistrojnë momentin kur ai mundohet që të grabisë makinerinë që u hedh topat qenve gjatë lojërave të përditshme.

Pasi mundohet për pak çaste që të largohet bashkë me makinerinë andej nga hyri, pa i bërë llogaritë që makina ishte tepër e madhe për të hyrë në vrimën ku ai u fut vetë, dorëzohet dhe më pas vihet në kërkim të një dere tjetër, që e gjen dhe largohet bashkë me “prenë” e tij.

Ajo që e bën akoma më qesharake situatën është fakti se hajduti kishte gjatë gjithë kohës poshtë hundës një kuti qelqi të mbushur me kartmonedha të dhuruara nga njerëz të ndryshëm për mirëmbajtjen e kafshëve.

Mirëmbajtësit e strehës thanë se në arkë ndodheshin të paktën 4 mijë dollarë.

Sot mund të lexoni Shfletoni kopertinat