Dyshuan se dikush i vidhte lule mbi varrezat e motrave 12 dhe 18-vjeçare.
Për të kapur hajnin që merrte lulet çdo javë për shtatë muaj rresht, vendosën kamerat e fshehta në pemët e afërta,
Një nga vajzat vdiq 31 vjet më parë kur ajo u rrëzua në shkollë për shkak të një problemi me zemër. Motra e saj vuajti nga e njëjta sëmundje dhe vdiq në moshën 18-vjeçare të vitit 1996.
Katër vjet më vonë, nëna e tyre, Patricia, vdiq pas një sulmi në zemër dhe burri i saj vdiq një vit më vonë, sipas Daily Mail.
Hiri i prindërve u mbulua me trëndafila që qëndronin pranë varrit të motrave në varrezat lindore në Hall.
Alan Haley, 73-vjeç, u tmerrua kur miqtë e tij thanë se dikush po merrte lule nga varri i tyre.
“Unë kam ardhur gjithmonë për t'i vizituar. Miqtë më thirrën dhe thanë se dikush po vjedhë lule dhe dekorime nga varri. U tmerrova! Ata ishin një familje e dashur. Ata nuk mund të pushojnë në paqe për këtë, "tha ai.
Familja dhe miqtë u shqetësuan për lulet që u zhdukën dhe vendosën të zbardhin misterin. Ata vendosën një kamerë të fshehur në një pemë.
Më 28 shtator, kamera regjistroi një njeri duke vizituar varrin, por askush nuk ishte në gjendje ta njohë. Ai në video shihet duke qëndruar para varrit me biçikletën e tij para se të merrte një buqetë me lule dhe të derdhte ujin mbi varr.
Njeriu u zbulua sërish në kamera më 9 nëntor të vitit të kaluar, dhe pak pas mbërritjes së tij lulet nga varri u morën përsëri. Çështja u raportua në polici, e cila ka nisur hetimet lidhur me rastin.
