Ramush Haradinaj, kryetar i AAK-së, e ka ngushëlluar familjen Stavileci, komunitetin shkencor dhe akademik si dhe studentët e Kosovës, për vdekjen e Akademik Esat Stavilecit.
Në telegramin e tij, ndër të tjera thuhet:
E nderuara familje Stavileci:
Jemi prekur thellë nga lajmi për ndarjen nga jeta të Profesor Esat Stavilecit, dijetarit dhe burrit të madh të Kosovës!
Vdekja e hershme e tij, është një humbje e madhe, për familjen, për miqtë, për studentët dhe për gjithë ne. Është një humbje e madhe për komunitetin shkencor dhe akademik shqiptar.
Akademik Stavileci, do të kujtohet gjithmonë si njëra prej mendjeve të ndritura të Kosovës. Ai ishte frymëzim jo vetëm për studentët dhe bashkëpunëtorët e tij, por për gjithë popullin e Kosovës.
Prandaj ju lutem që të pranoni ngushëllimet e mia më të sinqerta të cilat i shpreh edhe në emër të anëtarësisë së AAK-së dhe të familjes sime.